Misramolai - Usah Jua Maha

Lirik Lagu Usah Jua Maha - Misramolai

Usahlah uda ka denai bajua maha
Kalau di hati di hati kok lai sayang
Yo daripado isuak uda manyasa
Elok katokanlah uda sajo bataruih tarang

Usahlah uda yo da bagalak sombong
Mambuek denai ka uda salah manyangko
Usahlah uda ka denai marasi bimbang
Diri denai ko alun ado ba nan punyo

*
Sungguahnyo uda nan sangaik baiak budi
Urang nan arif nan arif jo bijaksano
Kok dibandiangkan uda jo urang lain
Siang jo malam jo malam jauah bedonyo

Karano diri uda dek urang minang
Sopan jo santun nan paralu ka di jago
Kok ado salah candi dipandang urang
Alamaik diri yo diri nan ka sansaro

Back to *

Misramolai - Takana Juo

Lirik Lagu Takana Juo - Misramolai

Takana takana juo
Tabayang tabayang juo
Takana takana juo
Tabayang tabayang uo

Jo kisah maso nan lamo
Kinilah diruang mato
Tabayang kisah nan dahulu
Kama denai kadukan
Sakiknyo mananguang rindu
Bagoyang bumi den pijakkan

Takana takana juo
Tabayang tabayang juo
Takana takana juo
Tabayang tabayang juo

Nan bagaluik rindu di hati
Kini uda antah dimano
Indak mungkin lai ta ulang
Maso bahagia baduo

Kini uda lah jauah
Indak ado baritonyo
Bia iman dipataguah
Kok jodoh batamu juo

Misramolai - Sapantun Biduak Ketek

Lirik Lagu Sapantun Biduak Ketek - Misramolai

Samulo badan talareh
Dek ulah bansaik nanko juo
Badan sapantun biduak ketek
Rintang dilamun ombak sajo
Badan sapantun biduak ketek
Rintang dilamun ombak sajo

Lah den cubo manantang badai
Manuju pulan nan di cinto
Antah bilo mukasuik sampai
Ombak batambah gadang juo
Antah bilo mukasuik sampai
Ombak batambah gadang juo

Niaik hati yo nak ka pulang
Di hampeh riak jo galombang
Disiko hati mangko risau
Biduak tak mungkin ka subarang
Disiko ati mangko risau
Biduak tak mungkin ka subarang

Kok Tuhan lai ka mambari
tanangkan riak jo galombang
Nak nyo sampai niaik dihati
Salamaik badan ka subarang
Nak nyo sampai niaik dihati
Salamaik badan ka subarang

Misramolai - Kutang Barendo

Lirik Lagu Kutang Barendo - Misramolai

Oi lalah lah kutang barendo
Laloklah nak dalam buayan
Kadang kadanglah hati den ibo
Mandeh badendang mancari makan

Sicereklah rambahlah paku
Nak buliah taranglah jalan ka parak
Awak ketek nak ubahlah laku
Nak buliah sayang nak urang dek awak

*
Kok badamak jo damak urang
Batang rambutan dirunduakkannyo
Kok bamamaklah jo mamak urang
Nan bukan ditunjuakkannyo

Dari Piaman nan ndak ka Padang
Janguaklah pasa diBukitinggi
Kok marantau nak waang lah gadang
Kanalah juo nak iduik ka mati

Back to *

Oi lalah lah kutang barendo
Mandeh badendang sampai di siko
Lalok lah nak...(8x)

Misramolai - Jauah Di Mato

Lirik Lagu Jauah Di Mato - Misramolai

Oi nan kok jadi uda bajalan
Denai nantingga ingeklah juo
Disiko mangko ka kuruih badan
Uda lah jauah nan dari mato

Oi uda kanduang dangakan sayang
Marantau usa balamo-lamo
Uda ka pai ka rantau urang
Denai nan tingga jo hati ibo

*
Ondeh... aie mato jatuah manitiak
Sajak uda jauah dimato
Uda pai lakeh babaliak
Di Denai tampek baiyo

Ondeh... siang malam ditangguang rindu
Sajak uda dirantau urang
Manangih denai dipintu
Mananti uda ka pulang

Oi uda kanduang lakehlah pulang
Denai dikampuang mananti juo
Kok barasaki dirantau urang
Tolonglah jampuik yo diri ambo

Back to *

Miramolai - Indak Denai Tagoda

Lirik lagu Indak Denai Tagoda - Misramolai

Indak denai tagoda
Indak denai tadayo
Mancaliak gaya uda
Lah jauah barubahnyo

Talingo lah basubang, rambuik lah panjang pulo
Satahun ndak batamu, lupo uda jo ambo
Bahasa lah batuka
Heran den mandanganyo

Kampuang jarang tasilau
Itu nan den ragukan
Basawalah dirantau
Banda usah digadaikan

Bara jauah marantau jan lupo kampuang kito
Jo adaik minangkabau jan dituka modenyo

Dulu uda bajanji indak ka malupokan
Lah lupo uda kini sajak ka rantau urang
Dek lamak raso tempe lah lupo raso randang

Misramolai - Cinto Bajauahan

Lirik Lagu Cinto Bajauahan - Misramolai

Ka rantau juo uda nan jadi ondeh da
Dikampuang sulik ondeh da
Basalang tenggang ondeh tuan oi
Basalang tenggang

Dek bansaik hiduik bapisah kini ondeh da
Kok lai barubah ondeh da
Nasib nan malang tuan oi
Nasib nan malang

Oi habih hari baganti bulan tuan oi
Uda den nanti ondeh da
Ndak kunjuang tibo
Ndak kunjuang tibo

Den turuik uda pai bajalan tuan oi
Dek tangih anak ondeh da
Mambaok bedo p lalai
Mambaok bedo

Cando ditembak patuih siang hari ondeh da
Kironyo uda ondeh da
Manyuntiang urang tuan oi
Manyuntiang utang

Den paluak anak oi den tangisi ondeh da
Langik baputa ondeh da
Bumi bagoyang ondeh tuan oi
Bum bagoyang

Dek manuruik hati nan gadang tuan oi
Kanalah kami ondeh da
Ka taniayo o lalai
Ka taniayo lah lamak tempe padonyo randang tuan oi
Lah hilang padeh ondeh da
Oi samba lado o lalai
Oi samba lado

Misramolai - Bacinto Dalam Mimpi

Lirik Lagu Bacinto Dalam Mimpi - Misramolai

Samulo yo mulo cinto ka tajalin
Yo dek sabangku kami diateh oto
Indak disangko sangko ndak mungkin
Kami baduo manaruah cinto
Indak disangko sangko ndak mungkin
Cinto ka tajalin diateh oto

Sakancang oto balari samakin asik kami baduo
Dari padang ka Bukittinggi batambah santai kami jadinyo
Indak disangko indak disangko
Kami baduo manaruah cinto

Tapi sayang saribu kali sayang
Cinto dibateh yo dek oto baranti

Denai ka turun yo di Padang Panjang
Uda nan ka taruih yo ka Bukitinggi
Badan tasintak denai tagamang
Kironyo denai bacinto dalam bamimpi

Misramolai - Amak Oi Amak

Lirik lagu Amak Oi Amak - Misramolai

Oi amak oi amak
Jan dipaso denai kawin jo urang tuo
Indak ka sasuai
Jan amak tadayo dek pitihnyo banyak
Jan amak mamandang harato jo bando

Pikiakan denai ko nan ka taniayo
Denai gadih ketek balaki rang tuo

Oi amak oi amak
Jan dipaso denai kawin jo rang tuo
Indak ka sasuai

Usah korbankan diri denai ko
Indak ko ibo amak jo ambo

Kalaunyo denai dipaso juo
Bia den tajun ka ngarai nangko
Karano harato denai taniayo
Saketekpun denai indak manarimo

Biakanlah denai, mancari nan katuju
Kok dapek nan dihati amak kan tau juo
Kok kayo kok bansaik asa pilihan denai