Panton Aceh Baro Aceh Kerele

Panton Aceh Baro Aceh Kerele

Meukrue seumangat rahmat meusampe
Rincong meu uke hana le tajam
Yoh masa dile jithe le kafe
Rata sagoe be Aceh ji seugan

Cukop meu ceuhu makmu bukon le
Raja pih ade yang mat pimpinan
Rakyat seujahtra kuta deungon gle
Hana yang mate ngon tan makanan

Seuramoe Meukah meugah bukon le
Rata lungkiek gle na wase tambang
Kareuna Nanggroe bak jaroe jahe
Tuhan peu ade ka Neu cok pulang

Saboh alamat nikmat hana le
Karena jahe hana le so tham
Kareuna Raja ka dua hate Hukom yang ade hana le timang

Takaleon conto sampoe meupake
Meu poh poh mate seu sabe Islam
Rot noe ngon rot deh areh mat beude
Peuturot hate pakat peu ek prang

Rakyat sengsara rata sagoe be
Han so jeut jak le u gle ngon u blang Ladom seu numpok kabeh brok pade
Ladom dalam gle kabeh brok kacang

Bak tanggai 16 Agustus akhe
Rumbok Helsingke hanjeut le muprang
Ban dua pihak seureuntak sare
Meu jroh jroh hate hanjeut le dendam

Geutanda jaroe mentro ngon toke
Kateuhah hate RI dendon GAM
Hase M O U nanggroe Helsingke
Di Aceh beude sare ji reupang

Alif Ba goh jeut neuk bet Tapeuse
Rimung goh mate sare ka ta bang
Laba ngon rugo hana so pike
Peuturot hate ngon nafsu syaitan

Jalo goh leupah beulahdeh ji ile Goh troh u pante tanyoe jeu meurang
Ka laen macam ragam seu mike
Neuk duk keu toke dalam pikeran

Sumpah ngon janji ka ji peureule
Tan le meu pike keu rakan rakan Penteng bak jaroe moto B M W
Oh wate mate aleh pakiban

Hana so sangka si janda male Oh ban meulahe aneuk pih agam Rupa sep ceudah sulah meu uke
Su sinyak lahe mate ma bidan

Sinyak ka rayeuk jak jok u Meuse
Bek jeut keu kafe yu beut Qur’an
Ji beut hana roh gadoh meu jipre
Jijak meu rabe sabe tip malam

Rugo belanja meugunca pade
Peulandok pance ka meu sereuban
Peugah droe Tgk Abu ngon Toke Rata sago be sare meu utang

Lheuh tapoh buya ngon mata kawe
Singa dalam gle ka ji jeumeurang
Jino lam susah lempah meusampe
Hukom bak hate kon le aturan

Mandum ka teuga dak baro lahe
Mandum ka sabe tanle bawahan
Hana le meuri guci ngon bate
Sama seumike sare keumuran

Yang penteng troe prut pijut hana le
Meu keusut hate katroh tujuan
Meunyoe bak peugah gagah sang bace
Hareuga mate nanggroe cok pulang

Etno keuh haba kamo meu cae
Keu ubat hate mangat pikiran
Yang kamoe rawi buketi lahe
Aceh kareule tanle harapan

Panton Aceh Versi Terbaru Haek Takem

Panton Aceh Versi Terbaru Haek Takem

• Cicem keudidi dipasi puteh.
• Didong sibareh cama dilaot.
• Ule yang susah meu tamah seudeh.
• Tinggai gaseh bunggong lam balot.
• Uloen disinoe gata disideh.
• Setia gaseh cinta meu bek roet.
• Tapreh uloen bunggong lam lapeh.
• Bek le tapileh cinta dilikot.
• Sicicem pala lagak han abeh.
• Sicicem puteh raja wali sambot.
• Hawa uloen eu bunggong lam lapeh.
• Mata loen peudeh rasa ka supoet.
• Didalam gle pade that luwah.
• Suson beurekah keu kaye maguen.
• Uloen meu rawe hate hana pah.
• Uloen meu kisah cinta yang diplueng
• Di teugoh malam mata loen mirah.
• Teugeut hana pah rindu loen peutheun.
• Rindu lam hate sabe gelisah.
• Han pat loen peugah uloen meu jageun
• Dibineh pasi timoh bak lipah.
• Dara seu meurah sideh dalam krueng.
• Hate loen sunyi ule sang beukah.
• Rindu loen kubah keu sidroe ureung.
• Loen kalon laot memang kop luwah.
• Ureung meuriah sinan jeut leubeung.
• Mata loen supoet dibalot susah.
• Tariwang bagah hai putroe buleun.
• Meugah cukop trang buleun limong blah.
• Loen pandang jeulah sira meu jageun.
• Loen harap gaseh riwang beu bagah.
• Bek loen ta kubah dalam musem khueng.
• Loen kalong bungkoh didalam cawan.
• Hana soe hidang keuneubah jameun.
• Hajat loen beu troh bagah tariwang.
• Ta ces petrang lampu bak reunyeun.
• Loen kalon tuloe teugoh terebang,
• ji tinggai kawan didalam umpong.
• Loen neuk eu jioh han troeh loen pandang.
• Pue keuh hai sayang na laen ureung.

• Cicem ka jiwoe oh wate supoet.
• Mata uroe lop ka lupah asa.
• Wate loen ingat masa yang dilikot.
• Meu bek le roet ie mata duka.
• Cicem keu didi dibineh laot.
• Ujeun oh supoet susah teurasa.
• Kasep keuh luka cinta dilikop.
• Bek le meu sambot oh troh bahgia.

• On sireen meugulong-gulong
• On keurusong meuputa-puta
• Meunyoe adek galak keu loen
• Tapreh bak jurong lon woe sikula
• Tajak u laot ta kawee bileh
• Tasok bak pureh tapandang mata
• Abang disinoe adek disideh
• Pajan keuh ta eh saboh bantai dua

Kumpulan Pantun Aceh Macam Bago Versi Terbaru

Kumpulan Pantun Aceh Versi Terbaru

• Kehendak allah wahe dek cut.
• Lage teugeut tanyoe dua.
• Ka lheuh nikah bak buleun peut.
• Tanyoe dek cut ka sah dua.
• Gata kandong aneuk ubeut.
• Tuet paneut hana beda.
• Raya panyang pih jeut kubuet.
• Aneuk dek cut beu tajaga.
• Hasel nikah uloen maksut.
• Gata dek cut tukang jaga.
• Ta meu gandong ka rayeuk prut.
• Seunang ban buet oh ka nyata,
• seumogat loen menjadi ayah yg berguna.

• Jalan jalan wate supoet.
• Meu ikot ikot deu ngoen honda.
• Cok cewek peu duek dilikot.
• Di cruep bek roet mat bak nuga.
• Oh malam minggu meu punjot punjot.
• Rasa jagong teutot deu ngoen bang baka.
• Jaroe di abang dalam seunalop.
• Jagong teutot dara raba.
• Boh giri pateun geumat bek roet.
• Jagoen teutot itam sukla.
• Macam macam piasa supoet.
• Ladom seunalop kadarduasa.

• Gaseh sayang loen jioh bak mata.
• Han troh loen gisah rindu hate loen.
• Sinoe lam ranto uloen setia.
• Walau le dara teuka nibak loen.
• Gata di gampong beu ek tasaba.
• Tapreh loen gisa hai bunggong jarom.
• Akan uloen demi keu gata.
• Bek dek ta tuka cinta dari loen.
• Saba tasaba ingat keu kanda.
• Gata lam desa rindu teuh keu loen.
• Cuma lewat fb ta tanyong haba.
• Lewat udara tanyo tadeugoe su loen.

• Jak sitot cewek ka rata jurong.
• Ka itam punggong bak duek kereta.
• Hoka digata hai dara duson.
• Nyoe pat na uloen mantong perjaka.
• Si uroe uroe wet wet lam gampong.
• Bunggong dalam oen uloen neuk tanda.
• Pue keuh sedia gata deu ngoen loen.
• Wate nikah phoen tajak uluwa.

• Jinoe laloe aduen adoe deungoen bola.
• Itali tantang celsi lupah tiga.
• Penonton na yang teudong tan meu haba.
• Bak teumaroh na yang laboh honda2.
• Sompo beugoh teuka leumoh tan kerija.
• Bak preh lawan mata tumpang nonton bola.
• Teuka madrit peu lheuh narib lawan barca.
• Hek that maen meuteng paneng ka kosong sa.

• Buleun dua blah dirah buet ujeun.
• Lupie lam tuleung jinoe loen rasa.
• Lupah that na trep udep then bayeung.
• Galom na soe mueng oh malam jula.
• Nasib kop seudeh oh wate ujeun.
• Han ek ta peu theun oh malam jula.
• Adap na inong na soe pereumeun.
• Kana soe eum peuhagat jiwa.

• Oh tapike chit wah ule.
• Jipeuna lage generasi.
• Muda mudi lage ase.
• Asai poh lhe chit ka pergi.
• Azan meu greb chit tan ji the.
• Lam bak seuke di meu ungki.
• Di cui duroe teusuet baje.
• Lage gule oh kembali.
• Peugah bak ayah rubah dike.
• Dalam abe ngoen bang ali.
• Bak lhe buleun chit ka mube.
• Aneuk ase dalam diri.
• Anek tan yah chit meu teunte.
• Wah that ule abi umi.
• Wate jak beut ka ji tipe.
• Lam bak seuke dia pergi.